المساهمات : 196 تاريخ التسجيل : 30/11/2009 العمر : 26
موضوع: ازاى تمكجيى عروسة السبت ديسمبر 26, 2009 2:39 pm
"نانيس سليم" خبيرة التجميل بتقدم لك دعوة عشان تتفرجي عليها وهي بتحط مكياج لعروسة في ليلة زفافها.. قربي شوية.. وبصي وطلي على "نانيس" وهي بتقول لك ازاي خبيرة التجميل المحترفة بتتعامل مع وجه العروسة.. (1) نبدأ بتنظيف البشرة كويس جداً باللوشن المناسب لنوع البشرة
(2) بعد كده نختار كريم الأساس المناسب لبشرة العروسة لو فاتحة بنختار لها كريم قريب من لونها ومن المفضل أن يكون اللون أغمق درجة واحدة لأن تفتيح البشرة الفاتحة بيخلّي شكلها "وحش" لكن لو غمقنا الدرجة النتيجة بتبقى حلوة جداً وطبيعية, لكن كريم الأساس الأفتح درجة بيكون تحت العين مباشرة.. وتوزيع كريم الأساس يكون بالإسفنجة الخاصة.
(3) نحط البودرة الشفافة على كريم الأساس على كامل الوجه وبفرشاة كبيرة نزيل البودرة الزيادة..
وبعد كده نحط بودرة بتلمع تحت العين.. وبقلم أسود نحدد تحت العين لو العين صغيرة شوية لكن لو العين الكبيرة بيكون القلم جوه العين.
(4) نحدد من فوق العين كمان من منابت الرموش عشان نوسع العين ونعطي فرصة لوضع "eye shadow" بشكل أفضل
(5) بفرشاة صغيرة نضع الـ"eye shadow" من فوق العين على الكحل الأسود ونسيحه كويس.. وفي كسرة العين نحط "eye shadow" برتقالي "أورنج" لأن العروسة شعرها فاتح ولون عينيها كمان فاتح وبالفرشاة المدورة نرسم شكل الـ"Banana". نحط الماسكرا الفاتحة ونضيف رموش صناعية في الطرف والوسط وأول العين.. وبعد كده نتقل عليها الماسكرا ونهتم بالماسكرا تحت العين عشان توسع.
(6) أما بالنسبة للحواجب وهي بالطبع خفيفة جداً عشان كده رسمناها باللون البني على شكل ثمانية.
(7) نضع الـ"Blusher" والعروسة بتضحك عشان يكون اللون متوزع بدرجة واحدة ونتحرك من عظمة الخد إلى الأذن.
( نحدد الشفايف بـ"lip liner" خفيف ونحط عليه الروج لأن الموضة إن التحديد لا يظهر ويكون نفس لون درجة الروج.. ولو الشفايف صغيرة بنحاول نكبرها ولو العكس نعمل العكس.. ونختار لون الروج زي لون الـ"eye shadow".. ومهم استخدام فرشاة الروج لأنها بتسهل التحكم في وضعه وتوزيعه صح.. نحاول تثبيت الروج بوضع الـglitter في منتصف الشفاه لأنها موضة جدا.
(9) نعدل الـ"eye shadow" الموجود فوق العين بتسييح أي منطقة فوق العين عشان تليق مع شكل المكياج عامة..
(10) وبنبص على اللوك بعد ما نبدأ ونفك شوية من الشعر الملفوف عشان نعدل أكثر أو نضيف حاجة للشكل العام في المكياج.
(11) نحط "glitters" تحت الحواجب على لون دهبي شوية عشان يليق مع لون عينيها وجهها... ممكن نحط كمان "glitters" تحت العين عشان نفتح لونها أكثر...
